قصة بناء قبة فلورنسا

فى مدينة فلورنسا راح كبار موظفين المدينة للمعمارى و الرسام الايطالى فليبو برونليتشى علشان يعمل قبة كاتدرائية سانتا ماريا ديل فيورى و المعروفة بكاتدرائية #فلورنسا 
يوم 7 اغسطس سنة 1420 راح فليبو برونليتشى علشان يبدأ الشغل لقاهم جايبين نحات اسمه لورنزو جيبرتى علشان يشتغل معاه فى القبة
طبعا برونليتشى اول ما شاف جيبرتى عرف ان الموضوع سبوبة و بسبب علاقة جيبرتى بحاكم المدينة و مدخلينه عشان قابضين منه لان جيربتى اقل منه كفائة و مالوش فى الرسم قوى و فعليا مالوش شغل فى القبة 
برونليتشى عمل جزء من السقالاات و دى لوحدها حاجة مهمة جدا و خطيرة و جيبرتى مامدش ايده فيها و فى نص شغل السقالاات برونليتشى مارحش تانى و لما راحوا الموظفين بيته قالهم انه مريض و مش قادر ينزل الشغل و ان لورنزو جيبرتى اللى هما جايبينه معاه اكيد يقدر ينفذ الشغل الباقى و الا ما كانوش جابوه معاه
طبعا الموظفين مشيوا قفاهم يقمر عيش و مش عارفين يعملوا ايه لانهم عارفين ان لورنزو جيبرتى مش هايعرف يكمل الشغل و برونليتشى كده كشفهم
بعد كام يوم رجعوله تانى و قلوله ان حاكم المدينة أمر بانه لازم يكمل الشغل مع جيبرتى لكن برونليتشى قالهم اوامر الحاكم على راسى بس انا راجل مريض و هاعطل الشغل
بعد شهور جيبرتى مازودش مسمار فى الثقالاات و ماعملش اى حاجة و تأكدوا فعلا ان برونليتشى زنقهم فاضطروا انهم يمشوا جيبرتى و يرجعوا فليبو برونليتشى مرة تانية
فليبوا لما رجع عمللهم القبة برسومات كأنها ثلاثية الابعاد خلت الرسومات تظهر و كأنها مجسمة او بارزة و سلمها كتحفة فنية من اهم و اشهر اعماله الفنية
#اعرف
#الناظر
-------------
الصور فى التعليقات
----------------------
المصادر :
1 - الخصومة التى بدأت عصر النهضة - برونليتشى و جيبرتى - بول روبرت ووكر
2 - حياة برونليتشى - انطونيو مانيتتى

قبة فلورنسا


فليبو برونيليتشى


قبة فلورنسا من الداخل


الرسوم على القبة من الداخل


 لورنزو جيبرتى

Comments

Post a Comment

Popular posts from this blog

كيف تم اختراع جهاز الميكرويف

Image
فى ديسمبر سنة 1944 كان المهندس بيرسى سبنسر مهندس اتصالات و مسئول صيانة اجهزة الرادار فى البحرية الامريكية ماشى جوة اوضة الرادارات و كان شغال جمب مواسير الميكرويف بتاعة الرادار كان من عشاق الشيكولاتة و دايما يمشى حاطت شيكولاتة فى جيبه و جه يحط ايده فى جيبه لقى الشيكولاتة ساحت تماما رغم ان الوقت ده شتا و الجو بارد جدا  طبعا بدأ يفكر فى الموضوع ده فجاب براد الشاى فيه ماية و حطه جمب المواسير فالماية سخنت  بعدها جاب درة و حطها جمب المواسير فبقت فيشار فبدأ يدور على طريقة يستخدم بيه ا طاقة الميكرويف فى طهى و تسخين الطعام و فضل يشتغل على اختراعه ده لحد ما حصل على براءة اختراع في 8 أكتوبر 1945 عن فرن طبخ بالميكروويف بعدها قدر بيرسى سبنسر انه يحصل على 300 براءة اختراع خلال حياته # اعرف # الناظر ----------- الصور فى التعليقات -------------------- المصدر : 1 - تاريخ العالم فى 100 اختراع - نيل ماكجريجور 2 - الابداع نظرياته و موضوعاته - مارك رنكو 3 - كيف تعمل الاشياء - دكتور خير شواهين ( التواريخ فى الكتاب ده مش مظبوطة ) 4 - رجل الميكرويف - سبنسر و اختراعه - سارة لاتا بيرسى سبنسر مختر...
Read more

صاحب تصميم العلم الامريكى ذو الخمسون نجمة

Image
سنة 1958 كان الرئيس الامريكى أيزنهاور كان ناوى يعلن ضم ألاسكا و هاواى للولايات المتحدة الامريكية  و اعلنوا عن مسابقة فى المدارس و الجامعات و الشركات لعمل تصميم لعلم الولايات المتحدة الامريكية الجديد بعد ما يبقوا 50 ولاية  فى مدرسة ثانوى فى مدينة  # لانكاستر  بولاية  # أوهايو   اشترك عدد من الطلبة فى المسابقة و قدموا اعلامهم لمدرس الرسم و اعطاهم درجات كان فى طالب فى تانية ثانوى اسمه روبرت هيفت عنده 17 سنة لما المدرس شاف التصميم بتاعه قاله ده تصميم تقليدى جدا و اعطى الولد  جيد فالواد قاله ع لى فكرة يا مستر التصميم ده هايبقى علم الولايات المتحدة فالمدرس قاله لو التصميم بتاعك بقى هو العلم هارفع التقدير بتاعك من جيد لممتاز اللجنة الرئيسية اتقدملها اكتر من 200 الف تصميم اتصفوا لــ 1500 تصميم اختاروا منهم تصميم روبرت هيفت و بعتوله رسالة شكر على المدرسة لما روبرت هيفت راح المدرسة لقى مدرس الرسم بينده اسمه و بيقوله تقديرك بقى ممتاز بدل جيد و اداله الجواب اللى جاى من الكونجرس و اصبح العلم الجديد هو العلم الرسمى من يوم 4 يوليو 1960 و لحد النهاردة ا...
Read more

مباراة القرن فى الشطرنج - بوبى فيشر ضد بوريس سباسكى

Image
فى يوليو سنة 1972 الاتحاد الدولى للشطرنج عمل بطولة فى مدينة  # ريكيافيك  عاصمة  # آيسلندا  بين بطل العالم الروسى بوريس سباسكى و بين الامريكى بوبى فيشر اسطورة الشطرنج  الصاعد فى الوقت ده و البطولة دى اعتبروها مثال للحرب الباردة بين  # أمريكا  و  # روسيا  فكان الاهتمام الدولى بيها كبير جدا البطولة كانت 19 مباراة بين اللاعبين بس على امتداد 3 شهور و كان بوريس سباسكى معروف عنه ان بارع فى التنبؤ بحركات خصمه و استخدامها ضده اما بوبى فيشر فكان معروف عنه انه لا يستسلم ابدا و عنده مخرج لكل لعبة بوبى فيشر كان عارف ان بوريس سباسكى لاعب قوى جدا فبدأ يلاعبه نفسيا قبل الماتش فعمل بوبى فيشر مشاكل على قيمة الجايزة و الترويج للبطولة و الكراسى اللى هايقعدوا عليها و اماكن التصوير و اماكن جلوس الجمهور و كل شوية يهدد بالانسحاب و كان بوريس سباسكى صبور جدا لاقصى درجة و فى اول مباراة فى البطولة وصل بوبى فيشر قبل دقيقة واحدة من إلغاء المباراة و بدأت اول مباراة الساعة 5 و تسع دقايق و فى المباراة دى بوبى فيشر كان بيلعب لعب غبى جدا و اتغلب على طول و كانت دايما المباراة ...
Read more