صاحب تصميم العلم الامريكى ذو الخمسون نجمة

سنة 1958 كان الرئيس الامريكى أيزنهاور كان ناوى يعلن ضم ألاسكا و هاواى للولايات المتحدة الامريكية 

و اعلنوا عن مسابقة فى المدارس و الجامعات و الشركات لعمل تصميم لعلم الولايات المتحدة الامريكية الجديد بعد ما يبقوا 50 ولاية 
فى مدرسة ثانوى فى مدينة #لانكاستر بولاية #أوهايو 
اشترك عدد من الطلبة فى المسابقة و قدموا اعلامهم لمدرس الرسم و اعطاهم درجات

كان فى طالب فى تانية ثانوى اسمه روبرت هيفت عنده 17 سنة لما المدرس شاف التصميم بتاعه قاله ده تصميم تقليدى جدا و اعطى الولد جيد
فالواد قاله على فكرة يا مستر التصميم ده هايبقى علم الولايات المتحدة فالمدرس قاله لو التصميم بتاعك بقى هو العلم هارفع التقدير بتاعك من جيد لممتاز
اللجنة الرئيسية اتقدملها اكتر من 200 الف تصميم اتصفوا لــ 1500 تصميم اختاروا منهم تصميم روبرت هيفت و بعتوله رسالة شكر على المدرسة
لما روبرت هيفت راح المدرسة لقى مدرس الرسم بينده اسمه و بيقوله تقديرك بقى ممتاز بدل جيد و اداله الجواب اللى جاى من الكونجرس
و اصبح العلم الجديد هو العلم الرسمى من يوم 4 يوليو 1960 و لحد النهاردة

العلم الامريكى ذو الخمسين نجمة

الرئيس ايزنهاور بيفرج على العلم الجديد فى حضور روبرت هيفت صاحب التصميم

روبرت هيفت مع اول علم من تصميمه تم رفعه رسميا على البيت الابيض عند تبديله وضعوه فى الهرم الزجاجى و اهدوه اليه

قبر روبرت هيفت

#اعرف
#الناظر
--------------------------
المصدر :
العلم الامريكى - تاريخ امريكا مسجل على القماش - هربرت ريدجواى كولينز